UEFA Millətlər Liqası çərçivəsində Azərbaycan millisi ilə oyun (6:0) İsveçin futbolçusu Viktor Dyökereş üçün yadda qalan hadisə ilə başa çatıb.

Offsideplus.az xəbər verir ki, Dyökereş Azərbaycan millisinin tarixinə düşüb. İsveçli forvard millimizə ən çox qol vuran oyunçu olub. O, yığmamıza ümumilikdə 6 top vurub. Forvard bu uğura 4 oyunda imza atıb. 

Bununla da Viktor Dyökereş Almaniya millisinin sabiq hücumçusu Miroslav Klozeyə məxsus rekordu yeniləyib. Kloze Azərbaycan yığması ilə matçlarda 5 dəfə fərqlənməyi bacarıb.