Belarusun paytaxtı Minskdə təşkil olunacaq Beynəlxalq İnkişaf Turniri üçün Azərbaycanın 18 yaşadək futbolçulardan ibarət milli komandasının heyəti açıqlanıb.

Offsideplus.az AFFA-nın rəsmi saytına istinadən xəbər verir ki, heyətdə 21 futbolçu yer alıb. Turnirin formatına əsasən, 8 komanda iki qrupda mübarizə aparacaq. B qrupunda yer alan yığmamız Belarus, Rusiya və Özbəkistan təmsilçiləri ilə qarşılaşacaq. Təqvimə əsasən, millimiz fevralın 19-da Rusiya, 20-də Özbəkistan, 21-də isə ev sahibi Belarusla qüvvəsini sınayacaq.

Fevralın 23-də keçiriləcək final və təsnifat oyunları ilə turnirə yekun vurulacaq. Qrupdakı yerindən asılı olaraq komandalar digər qrupun eyni pillədəki qrupları ilə (final, 3-cü, 5-ci və 7-ci yerlər üçün) üz-üzə gələcəklər.