İspaniya Futbol Federasiyasının Apelyasiya Komitəsi Madrid "Real"ının Cud Bellinqemlə bağlı müraciətini rədd edib.

Offsideplus.az xəbər verir ki, ötən həftənin La Ligada "Osasuna"ya qarşı səfər matçında qırmızı vərəqə alan 21 yaşlı yarımmüdafiəçi barədə çıxarılan 2 oyunluq diskvalifikasiya qərarı qüvvədə qalıb.

Beləliklə, "kral klubu"nun futbolçusu fevralın 23-də "Jirona", martın 2-də isə "Betis"lə qarşılaşmaları buraxacaq.

Xatırladaq ki, Bellinqem "Osasuna" ilə matçda baş hakimi təhqir etdiyinə görə meydançadan qovulmuşdu.