"Atletiko Madrid" hücum xəttini gücləndirmək məqsədilə "Kristal Pelas"ın fransalı ulduz hücumçusu Jan-Filip Matetanı yaxından izləməyə başlayıb.

Offsideplus.az xəbər verir ki, lomandanın baş məşqçisi Dieqo Simeonenin hücum rotasiyasını zənginləşdirmək üçün bu transferə müsbət rəy verdiyi bildirilir.

Ancaq İspaniya klubu bu transfer yarışında tək deyil. "Mançester Yunayted" və İtaliya nəhəngi "Yuventus" da 29 yaşlı forvardın transfer vəziyyətini yaxından izləyən klublar arasındadır.

Matetanın İngiltərə klubu ilə hazırkı müqaviləsi 2027-ci ilin iyun ayında başa çatır. Bu o deməkdir ki, o, artıq müqaviləsinin son 12 ayına qədəm qoyub.

• 25 milyon funt sterlinqə yaşıl işıq: "Kristal Pelas" rəhbərliyi futbolçunu gələn il pulsuz (azad agent kimi) itirmək riskinə girmək istəmir. Bu səbəbdən London klubu təxminən 25 milyon funt-sterlinqlik (£25m) rəsmi təklif gələcəyi təqdirdə Matetanın gedişinə icazə verməyə hazırdır.

• 2030 Planı: Digər tərəfdən, klub rəhbərliyi hələ də öz ulduzunu heyətdə saxlamaq ümidini itirməyib və ona 2030-cu ilin yayına qədər qüvvədə olacaq uzunmüddətli yeni müqavilə təklif edib. Hələ ki tərəflər arasında rəsmi razılıq əldə olunmayıb.

Jan-Filip Mateta ötən mövsüm "Kristal Pelas"ın heyətində keçirdiyi 50 rəsmi oyunda 16 qol vurub və 3 məhsuldar ötürmə müəllifi olub. O, komandasının tarixi uğur qazanaraq UEFA Konfrans Liqasının çempionu olmasında müstəsna rol oynayıb və final matçında "Rayo Valyekano"ya qarşı yeganə qələbə qolunun müəllifi olub.