I Liqa təmsilçisi "Difai"nin çalışdırıcısı Adil Mahmudov bir neçə Avropa klubunun hədəfindədir.

Offsideplus.az xəbər verir ki, bu məlumatı saytımıza açıqlamasında tanınmış agent Əsgər Cəfərzadə verdi:

"Əməkdar məşqçi Adil Mahmudov Avropa klublarının diqqət mərkəzindədir. Bununla bağlı mənə müraciətlər olub. Mütəxəssis hazırda I Liqada çıxış edən "Difai"ni çalışdırır. Düşünürəm ki, bəzi klubların uşaq-gənclər futbolunun inkişafı sahəsində bizim Mütəxəssisə ehtiyacı var. Oktyabrda İngiltərəyə səfər edəcəm. "Mançester Siti"nin akademiyasının təcrübəsini Azərbaycana gətirmək istəyirəm. Bu yöndə Adil Mahmudovun da bizə bu işdə kömək olacağını düşünürəm".