"Real Madrid"in baş məşqçisi Joze Mourinyo Çempionlar Liqasındakı "Roma" ilə oyundan sonra Vinisius Juniorun diskvalifikasiyası barədə danışıb.

Offsideplus.az xəbər verir ki, Vinisius La Liqada "Vilyarreal"la qarşılaşmada qırmızı vərəqə aldığı üçün 4 oyunluq cəzalandırılıb və "Sevilya", "Barselona", "Rasinq" və "Valensiya" ilə görüşləri buraxacaq.

Mourinyo bildirib: "Siz jurnalistsiniz, amma icazə verin, sizə sual verim. Sizcə, ispan futbolu üçün vacib oyundan cəmi iki saat əvvəl bir oyunçunun 4 matçlıq cəza aldığını öyrənməsi normaldır? Cavab verməyə ehtiyac yoxdur. Bu, normal deyil. Bunu oyundan sonra və ya ertəsi gün səhər etmək olmazdımı? Biz bu xəbəri avtobusda, stadionun yaxınlığında öyrəndik. Baş verənlər portuqal atalar sözünü xatırladır: 'Pişik gizlənir, amma quyruğu görünür'. İndi isə pişik gizlənməyə belə çalışmır – tamamilə utanmazcasına hərəkət edir. İspan klubunun oyunçusu matçdan iki saat əvvəl 4 oyunluq cəza aldığını öyrənir – bu, futbolçunu məhv etməkdir. Bu, normal deyil, amma artıq mənim üçün adi hal alıb, çünki pişik artıq gizlənmir".