Peşəkar Futbol Liqasının (PFL) Ümumi Yığıncağında Elxan Səmədov növbəti dəfə qurumun prezidenti vəzifəsinə seçilib.

Offsideplus.az-ın məlumatına görə, AFFA-nın icraçı vitse-prezidenti Sərxan Hacıyev, PFL rəhbərliyi və klub nümayəndələrinin iştirak etdiyi tədbirdə qurumun son 4 illik fəaliyyəti və maliyyə hesabatları dinlənilib.

Daha sonra keçirilən səsvermədə vahid namizəd olan Elxan Səmədov yekdilliklə növbəti 4 il müddətinə PFL-in prezidenti seçilib.

Sonda qurumun İdarə Heyətinin yeni tərkibi də təsdiqlənib. Növbəti 4 ildə İdarə Heyətində bu şəxslər təmsil olunacaqlar:

• Elxan Səmədov – PFL prezidenti

• Məlik Həsənov – İdman işləri üzrə müşavir

• Aslan Şahgəldiyev – Vitse-prezident

• Zaur Hacı-Məhərrəmov – İcraçı direktor

• Elgiz Abbasov – Texniki-idman direktoru

• Sənan Abdullayev – Media və marketinq direktoru