Tramp İnfantinoya vəzifə verir

ABŞ Prezidenti Donald Tramp FİFA prezidenti Canni İnfantinoya vəzifə verə bilər.

Offsideplus.az xəbər verir ki, Prezident onun Birləşmiş Millətlər Təşkilatının (BMT) növbəti Baş katibi olmasını istəyir. Amerikanın "New York Post" qəzetinin məlumatına görə, Tramp isveçrəli futbol funksionerinin insanları birləşdirmək bacarığına və qlobal nüfuzuna güvənir.

Liderlər arasında sıx əlaqələr ABŞ, Kanada və Meksikada təşkil olunan dunya çempionatı zamanı daha da möhkəmlənib. Açıqlanan təfərrüatlar aşağıdakı kimidir:

Səbəb: Tramp hesab edir ki, İnfantino dünya miqyasında hörmət edilən və fərqli tərəfləri bir araya gətirmək qabiliyyətinə malik nadir kadrlar sırasındadır.

BMT və FİFA oxşarlığı: Trampın xüsusi nümayəndəsi Paolo Zampolli bildirib ki, FİFA-ya daxil olan 211 milli assosiasiyanı idarə etmək 193 üzvü olan BMT-yə rəhbərlik etməyə çox bənzəyir.

Müddət: BMT-nin hazırkı Baş katibi Antonio Quterreşin səlahiyyət müddəti dekabrda başa çatır. Yeni Baş katib 2027-ci il yanvarın 1-dən fəaliyyətə başlamalıdır.

Canni İnfantinonun bu vəzifəyə gəlməsi üçün mürəkkəb prosedurlardan keçməsi tələb olunur:

Təyinat proseduru: BMT nizamnaməsinə əsasən, Baş katib namizədi əvvəlcə 15 üzvü olan BMT Təhlükəsizlik Şurasının (5 daimi üzvün veto hüququ olmaqla) təsdiqini almalı, daha sonra Baş Assambleyada səsverməyə çıxarılmalıdır.

Maliyyə fərqi: FİFA rəhbəri kimi illik təxminən 6 milyon dollar qazanan İnfantino üçün BMT Baş katibi postu (illik maaş təxminən 418 min dollar) ciddi maliyyə güzəşti deməkdir.