Paytaxt Bakının məşhur “5 mərtəbə”sinin həyətində yeni futbol meydançası sakinlərin istifadəsinə verilib.

Offsideplus.az xəbər verir ki, stadion 17 saylı Yasamal üçüncü seçki dairəsinin deputatı Elnur Allahverdiyevin təşəbbüsü, Yasamal Rayon İcra Hakimiyyəti, AFFA və Yasamal Rayon Bələdiyyəsinin dəstəyi ilə ərsəyə gəlib. Meydançanın uzunluğu 25, eni 12 metrdir. Süni ot örtüyü AFFA tərəfindən təqdim olunub.

Meydançanın açılış mərasimində Yasamal Rayon İcra Hakimiyyətinin başçısı Elşad Həsənov, millət vəkili E.Allahverdiyev və AFFA-nın icraçı vitse-prezidenti Elxan Məmmədov iştirak ediblər.