UEFA-nın "Neqreyra işi" ilə bağlı araşdırmaları davam etməsinə baxmayaraq, "Barselona" klubunun turnirdən kənarlaşdırılması ilə bağlı yayılan xəbərlər həqiqəti əks etdirmir.
Offsideplus.az xəbər verir ki, Qurum 2001–2018-ci illəri əhatə edən və keçmiş hakim komitəsinin rəhbəri Xoses Luis Negreyraya ödənilən 7.3 milyon avro ilə bağlı 2023-cü ildən bəri araşdırma aparır. UEFA-nın 4-cü maddəsinə əsasən, İspaniya məhkəməsinin yekun qərarını gözləmədən klubun bir mövsümlük cəzalandırılmaq ehtimalı nəzəri olaraq mövcud olsa da, hələlik belə bir qərar yoxdur.
- "Real Madrid"in addımı: Əzəli rəqib "Real Madrid" bu məsələ ilə bağlı UEFA-ya 50 min səhifəlik yeni dosye təqdim edib. Lakin UEFA bunun mövcud təhqiqat prosesinin bir hissəsi olduğunu, yeni bir iş açılmadığını və hər hansı qadağanın nəzərdə tutulmadığını təsdiqləyib.
- Klubun mövqeyi: "Barselona" rəhbərliyi qorxacaq heç bir şeyləri olmadığını və hər il olduğu kimi UEFA lisenziyasını vaxtında əldə etdiklərini bəyan edib.
Kataloniya təmsilçisi cari mövsümdə UEFA Çempionlar Liqasında mübarizəni problemsiz şəkildə davam etdirir.
