PSJ-nin baş məşqçisi Luis Enrike, Çempionlar Liqasının yarımfinalında "Bayern Münhen" üzərində qazanılan 5-4 hesablı qələbədən sonra komandasının hələ də ehtiyatlı olmalı olduğunu bildirib.

Offsideplus.az xəbər verir ki, ötən mövsüm "İnter"i 5-0 hesabı ilə məğlub edərək turnirin qalibi olan mütəxəssis, cavab oyununda mərhələni keçmək üçün ən azı üç qol vurmalı olduqlarını düşünür.

Tarixin ən məhsuldar yarımfinallarından biri kimi yadda qalan bu qarşılaşmadan sonra Enrike, oyunun intensivliyini yüksək qiymətləndirib. O, komandasının həm qalibiyyətə, həm də məğlubiyyətə yaxın olduğunu etiraf edərək, Münhendəki "Alyants Arena"ya qələbə ruhu ilə gedəcəklərini vurğulayıb.