"İspaniya" milli komandasının düşərgəsində Lamin Yamalın fiziki vəziyyəti ilə bağlı gərgin anlar yaşanır.

Offsideplus.az xəbər verir ki, son qarşılaşmada gənc ulduzun meydana buraxılması onun zədəsinin yenidən təkrarlanması riskini maksimuma çatdırıb. Həkimlərin rəyinə görə, mövcud vəziyyətdə futbolçuya daha çox dəqiqə verərək qumar oynamaq qətiyyən olmazdı.

Əslində tibbi heyətin tövsiyəsi Yamalın mümkün qədər minimal dəqiqə oynaması yönündə idi. Lakin dünənki matçın gedişatı planları pozdu və o, gözləniləndən daha çox meydanda qalmağa məcbur oldu.

Komanda daxilində baş verən son gəlişmələr belədir:

• Həkimlərin narahatlığı: "İspaniya" millisinin tibbi heyəti ilə baş məşqçi Luis de la Fuente arasında davamlı olaraq müzakirələr aparılır. Bu gərginliyin səbəbi Yamalın hazırda ağrılar hiss etməsi deyil, məhz zədəsinin yenidən nüks etmə (təkrarlanma) riskinin hələ də çox yüksək olmasıdır.

• Məşqdə ciddi ab-hava: Dünənki uğursuz nəticədən sonra gənc futbolçu bu gün keçirilən məşqdə olduqca ciddi və qətiyyətli görünüşü ilə diqqət çəkib. Yamalın məşq boyunca zarafatlara və ya gülüşə heç bir yer qoymaması, tamamilə qarşıdakı oyunlara konsentrasiya olduğunu nümayiş etdirib.

Tibbi heyət növbəti matçlarda gənc hücumçunun sağlamlığını tam qorumaq üçün De la Fuentedən daha ehtiyatlı addımlar atmağı tələb edir.