Mahir Emreli "Nürnberq" klubunda karyerasını davam etdirəcəyini açıqlayıb.

Offsideplus.az xəbər verir ki, Azərbaycan millisinin üzvü sosial şəbəkə səhifəsindəki paylaşımında azarkeşlərə müraciət edib və II Bundesliqa təmsilçisindən ayrılması yönündə yayılan xəbərlərə aydınlıq gətirib. 

M.Emreli yazıb:

"Əziz azarkeşlər,

Son günlərdə mənim barəmdə çox şayiələr ortaya çıxıb. Buna görə də sizə şəxsən müraciət edib, anlaşmazlıqlara aydınlıq gətirmək istərdim. "Nürnberq"də əsas oyunçu kimi qalıram. Gələcəkdə həm meydanda, həm də meydandan kənarda birlikdə olacağıq. 

Hədəfim komandanın uğuru üçün çalışmaqdır. Başlanğıcdan sizi performansımla, qollarımla xoşbəxt etmək üçün əlimdən gələni etməyə çalışmışam. "Nürnberq" xoşbəxt olduğum bir yerdir və burada çox çalışmaq üçün motivasiyalıyam.

Hazırda əsas diqqət növbəti oyunadır. Sizin dəstəyinizə inanır və "Hannover"ə qarşı oyunda 3 xal üçün birlikdə savaşacağıq! Stadionda görüşənədək!

Qeyd edək ki, "Nürnberq" - "Hannover" matçı 1 mart Bakı vaxtı ilə saat 16:00-da başlayacaq.