Avropanın aparıcı basketbol klublarının nümayəndələri Barselonada keçirilən 16-cı "One Team" illik seminarında bir araya gəliblər.

Offsideplus.az xəbər verir ki, tədbirdə "Anadolu Efes", "Fənərbağça" və "Jalgiris" kimi Avroliqa klubları da iştirak edir.

İki gün davam edən seminar çərçivəsində klublar öz təcrübələrini bölüşür, qarşılaşdıqları çətinlikləri müzakirə edir və yeni mövsüm üçün innovativ ideyalar əldə edirlər. Sessiyalar həm meydançada, həm də nəzəri şəkildə təşkil olunub.

"Anadolu Efes" və "Jalgiris" nümayəndələri öz uğurlu proqramlarından danışıblar. Tədbirin sonunda ən yaxşı sosial məsuliyyət proqramları və fərqlənən səfirlər xüsusi mükafatlarla təltif olunacaq.

"One Team" layihəsi Avroliqa klublarının sosial inteqrasiyanı və bərabər imkanları təşviq edən birgə təşəbbüsüdür.