Bu gün Basketbol üzrə Azərbaycan Kubokunun yarımfinal mərhələsinin oyunları keçirilib.
Offsideplus.az xəbər verir ki, saat 18:00-da "Ordu" klubu "Sabah"la qarşılaşıb. Görüş "Sabah"ın 66:83 hesablı qələbəsi ilə yekunlaşıb. Rimas Kurtinaytisin komandası finala yüksələn ilk kollektiv olub.
Yarımfinalın ikinci matçı isə "Gəncə" və "Şəki" arasında keçirilib. Bu görüşdə "Gəncə" rəqibi 97:71 hesabı ilə məğlubiyyətə uğradıb.
Hər iki oyun Bakı İdman Sarayında təşkil olunub.
Qeyd edək ki, Azərbaycan Kubokunun finalı fevralın 22-i, saat 17:00-da Bakı İdman Sarayında baş tutacaq.
Azərbaycan Kuboku, yarımfinal
"Sabah" - "Ordu" 66:83 (20:31, 13:17, 15:16, 18:19)
"Gəncə" - "Şəki" 97:71 (20:16, 25:26, 23:11, 29:18)
