"Qarabağ” Azərbaycan Kubokunda yeni rekord müəyyənləşdirib.

Offsideplus.az xəbər verir ki, Qurban Qurbanovun yetirmələri 12-ci dəfə yarışın finalına yüksəliblər.

Ağdam təmsilçisi dünən “Araz-Naxçıvan”ı mübarizədən kənarlaşdırıb – 0:1, 3:0.

Beləliklə, "Qarabağ" indiyədək 11 dəfə finala vəsiqə qazanan “Neftçi”ni geridə qoyub.

Komanda əvvəlki 11 finalın 8-də kuboku qazanıb. Bu, 1993, 2005/06, 2008/09, 2014/15, 2015/16, 2016/17, 2021/22 və 2023/24 mövsümlərində baş verib.

Üç dəfə isə "Qarabağ" finalda uduzub (1995/96, 1997/98 və 1999/2000 mövsümləri).

Qeyd edək ki, kubokda həlledici qarşılaşma "Qarabağ" və "Sabah" arasında mayın 31-də Sumqayıtda keçiriləcək.