UEFA Avropa Liqasında pley-off mərhələsinin ilk qarşılaşmaları keçirilib.

Offsideplus.az xəbər verir ki, günün ən diqqətçəkən nəticələrindən birinə Polşanın "Lex Poznan" klubu imza atıb. Öz meydanında İsveçrənin "Tun" komandasını qəbul edən Polşa təmsilçisi 7:0 hesabı ilə darmadağın edərək cavab matçı öncəsi mərhələ qapısını ardına qədər açıb. "Yagelloniya Byalystok" da "İberiya 1999" üzərində 4:0 hesablı inamlı qələbə qazanıb.

Türkiyə klublarından "Beşiktaş" litvalı rəqibi "Kauno Jalqiris"ə şans verməyərək 3:0 hesabı ilə qalib gəldiyi halda, "Trabzonspor" doğma azarkeşləri önündə Macarıstanın "Ferentsvaroş" klubuna 0:1 hesabı ilə məğlub olaraq işini çətinə salıb.

Mərhələnin ilk oyunlarının nəticələri:

• "Kayrat Almatı" 0:3 "Anderlext"

• "Yagelloniya Byalystok" 4:0 "İberiya 1999"

• "Myallbyu" 0:1 "Zalsburq"

• "Beşiktaş" 3:0 "FK Kauno Jalqiris"

• "Eqnatiya" 0:0 "Lillestryom"

• "Lex Poznan" 7:0 "Tun"

• "Trabzonspor" 0:1 "Ferentsvaroş"

• "Universitatya Krayova" 1:1 "Ararat-Ermənistan"

• "Srvena Zvezda" 3:0 "Viktoriya Plzen"

• "OFI Krit" 3:0 "MOİK Sofiya"

• "Sent-Trüden" 1:0 "Omoniya Nikosiya"

• "Benfika" 3:1 "Oarhuz" (AGF)

Cütün cavab qarşılaşmaları bir həftə sonra keçiriləcək və mərhələ adlayan komandalar Avropa Liqasının Liqa mərhələsinə vəsiqə qazanacaqlar.