İtaliya A Seriyasında 2020/2021 mövsümünün başlayacağı tarix müəyyənləşib.

Offsideplus.az "Sport Italia"ya istinadən xəbər verir ki, yeni mövsümün sentyabrın 12-də start götürəcək. Qərarın iyunun 15-də təsdiqlənəcəyi bildirilir.

Qeyd edək ki, martda koronavirus pandemiyası səbəbindən dayandırılan 2019/2020 mövsümü iyunun 20-də "Torino" - "Parma" oyunu ilə bərpa olunacaq. Turnir cədvəlinə 26 turdan 63 xal toplayan "Yuventus" başçılıq edir. 62 xalı olan "Latsio" 2-cidir. "İnter" isə 54 xalla 3-cü pillədə qərarlaşıb.