Çempionlar Liqasının 1/4 finalında "Mançester Siti"yə uduzduqları oyundan (0:3) sonra aralarında mübahisə düşən "Bavariya"nın futbolçuları Sadio Mane və Leroy Sanenin davasının səbəbi bəlli olub. 

Offsideplus.az Almaniya mətbuatına istinadən xəbər verir ki, Sane seneqallı futbolçunun ünvanına irqçi ifadə ("qara nəcis") işlədib. Buna əsəbiləşən Mane isə yoldaşının üzünə yumruq vurub. Komanda yoldaşları Maneni güclə sakitləşdiriblər. 

Sane sonradan işlətdiyi sözdən peşman olub, Mane isə yumruqladığı üçün komanda yoldaşından üzr istəyib.

"Bavariya" bu hərəkətinə görə Maneni komandadan uzaqlaşdırmaq qərarı verib. 

Qeyd edək ki, komandalar arasında Münhendəki cavab oyunu aprelin 19-da baş tutacaq.