"Fənərbağça" - "Qalatasaray" arasında keçiriləcək Türkiyə Kuboku matçının hakimi müəyyənləşib.

Offsideplus.az xəbər verir ki, bu dəfə derbini əcnəbi yox, türkiyəli hakim idarə edəcək. Görüş Cihan Aydına tapşırılıb.

Bu barədə Türkiyə Futbol Federasiyası məlumat yayıb.

Xatırladaq ki, tərəflər arasında bir ay öncə oynanılan Super Liqa matçını sloveniyalı Slavko Vinçiç idarə etmişdi.

Klublar yenə xarici hakimlərin təyinatına üstünlük versələr də, oyunda yerli ədalət təmsilçiləri olacaq.

Əlavə edək ki, qarşılaşmanın qalibi kubokda yarımfinala yüksələcək.