Türkiyə Superliqasının nəhəngləri transfer pəncərəsində ard-arda böyük addımlar atır.
Offsideplus.az xəbər verir ki, "Trabzonspor" gənc istedadı rəsmən heyətinə qatdığı halda, "Fənərbağça" dünya şöhrətli ulduzun keçidini tamamlamaq üzrədir.
"Trabzonspor" klubu Danimarkanın "Midtyulland" komandasından 24 yaşlı sol cinah hücumçusu Doğuhan Aral Şimşirin transferini rəsmən elan edib.
Bordo-mavililər bu transfer üçün Danimarka təmsilçisinə 13 milyon avro ödəyəcək.
Futbolçunun növbəti satışından əldə ediləcək qarın 15%-i də "Midtyulland" klubuna veriləcək.
Gənc oyunçu ilə 2030-cu ilin iyun ayına qədər qüvvədə olacaq uzunmüddətli müqavilə imzalanıb.
Digər tərəfdən, "Fənərbağça" "Olimpik Marsel"in ingiltərəli hücumçusu Meyson Qrinvudun transferində sona gəlib. Avropanın bir çox klubunun hədəfində olan 24 yaşlı oyunçu İstanbul nəhənginin illik 10 milyon avroluq təklifinə razılıq verib.
"Fənərbağça" Fransa təmsilçisinə 40 milyon avro və əlavə bonuslar ödəyəcək.
Ulduz futbolçu ilə 4 mövsümlük rəsmi sözləşmə imzalanması gözlənilir.
Müqavilə şərtlərinə əsasən, bu transfer məbləğinin 40%-i futbolçunun keçmiş klubu "Mançester Yunayted"in xəzinəsinə köçürüləcək.
