Türkiyə Superliqasında 2025–2026 mövsümünün həyəcanı davam edir. 

Offsideplus.az xəbər verir ki, çempionatın 19-cu turunda Domeniko Tedeskonun rəhbərlik etdiyi “Fənərbağça” doğma meydanda Stanimir Stoilovun çalışdırdığı “Göztəpə”ni qəbul edib.

Hakim Cihan Aydının idarə etdiyi qarşılaşma İstanbulda, Şükrü Saraçoğlu stadionunda baş tutub və 1:1 hesablı heç-heçə ilə yekunlaşıb.

Görüşdə hesabı 17-ci dəqiqədə Dorgeles Nene açaraq “Fənərbağça”nı önə çıxarıb. Qonaqlar isə 24-cü dəqiqədə Jandersonun qolu ilə bərabərliyi təmin ediblər.

Turda qələbə qazanan lider “Qalatasaray” fonunda iki xal itirən “Fənərbağça”nın xalı 43-ə yüksəlib. 

Sarı-lacivərdlilər turnir cədvəlində liderdən 3 xal geri qalır.