"Yuventus"un ulduzu Kriştiano Ronaldo İngiltərə Premyer Liqasına keçə bilər.

Offsideplus.az İngiltərə mətbuatına istinadən xəbər verir ki, Turin klubu portuqaliyalını Pol Poqba qarşılığında "Mançester Yunayted"ə göndərə bilər. "Yuventus" Kriştiano Ronaldonun illik 28 milyon funt-sterlinq maaşını azaltmaq istəmiş, lakin buna nail ola bilməmişdi.

Daily Express-də yayılan məlumata görə, bu səbəbdən "Qoca Sinyora" 36 yaşlı hücumçunu "qırmızı şeytanlar"a göndərmək istəyir. Həminçinin "Mançester Yunayted"in Pol Poqbanı satmaq həvəsində olduğu və qarşılığında Ronaldonu istədiyi bildirilir. 

Qeyd edək ki, 17 oyuna 16 qol vuran Kriştiano hazırda İtaliya A Seriyasının bombardiridir.