Qış “transfer pəncərəsi” rəsmən açılmamış ilk rekord keçid baş tutub. Offsideplus.az xəbər verir ki, “Sauthempton”u “Liverpul”a dəyişən Vircil van Diyk futbol tarixinin ən bahalı müdafiəçisinə çevrilib.
Yanvarın 1-dən “qırmızılar”a məxsus olacaq hollandiyalı 85 milyon avro dəyərindədi. O, bununla David Luizə məxsus rekordu yeniləyib. Braziliyalı futbolçu ötən il “Çelsi”dən PSJ-yə 62,5 milyon avroya keçmişdi.
Ümumiyyətlə, müdafiəçilərə ən çox dəyər verilən çempionat İngiltərə Premyer Liqasıdı. Ən bahalı “onluğ”a nəzər yetirsək, 7 arxa xətt oyunçusu böyük məbləğ qarşılığında Premyer Liqa klubları ilə anlaşıb. Bu baxımdan “Mançester Siti” digərlərindən fərqlənir. “Şəhərlilər” indiyə qədər 5 müdafiəçiyə astronomik məbləğdə pul xərcləyib. Həmin “beşlik”dəki Benjamin Mendi, Con Stounz, Kayl Uolker, Elyakim Manqala və Nikolas Otamendinin keçidi son 3 ildə reallaşıb və onların hamısı hazırda “Mançester Siti”nin formasını geyinir.
Ən bahalı 10 müdafiəçi:
1. Vircil van Diyk
“Sauthempton”dan “Liverpul”a
2018-ci il. 85 milyon avroya
2. David Luiz
“Çelsi”dən PSJ-yə
2014-cü il. 62,5 milyon avroya
3. Benjamin Mendi
“Monako”dan “Mançester Siti”yə
2017-ci il. 58,2 milyon avroya
4. Con Stounz
“Everton”dan “Mançester Siti”yə
2016-cı il. 58 milyon avroya
5. Kayl Uolker
“Tottenhem”dən “Mançester Siti”yə
2017-ci il. 56,7 milyon avroya
6. Elyakim Manqala
“Valensiya”dan “Mançester Siti”yə
2014-cü il. 51,7 milyon avroya
7. Rio Ferdinand
“Lids”dən “Mançester Yunayted”ə
2002-ci il. 46 milyon avroya
8. Nikolas Otamendi
“Valensiya”dan “Mançester Siti”yə
2015-ci il. 45 milyon avroya
9. Tiaqo Silva
“Milan”dan PSJ-yə
2012-ci il. 42 milyon avroya
10. Leonardo Bonuççi
“Yuventus”dan “Milan”a
2017-ci il. 42 milyon avroya
