"Mançester Siti"nin baş məşqçisi Pep Quardiolanın yeni köməkçisi Huanma Lilyo olacaq.

Offsideplus.az "şəhərlilər"in saytına istinadən xəbər verir ki, Çinin "Tsindao Xuanxay" klubunun sabiq baş məşqçisi ilə müqavilə imzalanıb. Sözləşmənin müddəti barədə məlumat verilməyib. 

Pep futbolçu kimi karyerasının son mövsümünü Lilyonun rəhbərliyi altında Meksikanın "Dorados" klubunda keçirib.

Qeyd edək ki, cari mövsümün gedişində Quardiolanın köməkçi-məşqçisi Mikel Arteta "Siti"dən ayrılmış və "Arsenal"ın başına keçmişdi.