İngiltərənin “Arsenal” klubunun futbolçusu Eynsli Meytlend-Naylsın anası oğlunun ona heç bir yardım etməməsindən şikayətlənib.

Offsideplus.az Sportal.az-a istinadən xəbər verir ki, 20 yaşlı futbolçunun anası Jule Naylz İngiltərənin “Deyli Meyl” nəşrinə açıqlamasında oğlundan ona ev almasını istədiyini, lakin onun rədd etdiyini deyib: “Oğlum Enzli iki həftəlik maaşı ilə mənə normal ev ala bilər, lakin bunu etmir. Mənim oğlum “Arsenal”da oynasa da, mən evsizəm. Hazırda yaşadığım ev deyil. Ev nədi bilirəm. Duş qəbul edə, dişini yuya, otağında otura bilərsən. Bunları edə bilməmək dəhşətlidi. Gecələr soyuqdan donuram. Keçən gün evsiz birinin ölüm bağırtısını eşitdim. Yaşadıqlarım qorxuncdu”.

Cari mövsümdə “Arsenal”da 25 oyuna çıxan Enzli, qardaşı ilə birlikdə 700 min funt-sterlinq dəyərindəki evdə qalır. O, “topçular”da həftəlik 30 min funt-sterlinq qazanır.