"Liverpul" futbol klubunun sahibi olan Fenway Sports Group (FSG) klubun azlıq hissəsinin satışı üçün Hindistanın məşhur milyarder Mittal ailəsinin dəstəklədiyi konsorsiumla danışıqlar aparır.

Offsideplus.az xəbər verir ki, sözləşmənin detalları bəlli olub.

• Record dəyərləndirmə: Danışıqlar çərçivəsində "Liverpul" klubunun ümumi dəyəri 6 milyard dollardan ($6B+) yuxarı qiymətləndirilir.

• FSG-nin mövqeyi: FSG nəzarət paketini özündə saxlayacaq və klubun əsas sahibi olaraq fəaliyyətini davam etdirəcək. Satılacaq azlıq payı isə infastruktur layihələrinə və klubun maliyyə dayanıqlılığına əlavə kapital cəlb etmək məqsədi daşıyır.

• Mittal ailəsi: Dünyanın ən böyük polad istehsalçılarından biri olan ArcelorMittal şirkətinin sahibləri (Lakşmi Mittal və ailəsi) bundan əvvəl də İngiltərə futbolunda ("Kuinz Park Reyncers") investisiya təcrübəsinə malikdirlər.

Tərəflər arasında danışıqlar müsbət istiqamətdə davam edir və rəsmi razılığın yaxın vaxtlarda elan olunması gözlənilir.