"Liverpul" klubu yay transfer pəncərəsi öncəsi heyətini gücləndirmək üçün konkret addımlar atmağa başlayıb.
Offsideplus.az xəbər verir ki ş, "Qırmızılar"ın hədəfində "Sportinq"in ulduz cinah oyunçusu Fransisko Trinkao var.
İngiltərə təmsilçisi 26 yaşlı portuqaliyalı futbolçunu heyətinə qatmaq üçün artıq ilkin danışıqlara başlayıb.
"Sportinq" rəhbərliyi ulduz futbolçu üçün güzəştə getmək niyyətində deyil. Portuqaliya klubu Trinkaonun müqaviləsindəki 60 milyon avroluq sərbəstqalma məbləğinin tam ödənilməsini tələb edir.
Trinkao bu mövsüm Portuqaliya çempionatında göstərdiyi 17 qol+ötürməlik məhsuldarlıqla Avropanın nəhəng klublarının diqqətini çəkib.
"Liverpul" bu transferdə tək deyil. Premyer Liqanın digər nəhəngləri — "Çelsi" və "Arsenal" da futbolçunun vəziyyətini yaxından izləyir.
Məşqçilər heyəti Trinkaonu həm cinahlarda, həm də mərkəzdə oynaya bilən universal hücumçu olduğu üçün gələcək layihənin önəmli parçası kimi görür.
