Dünyanın ən nüfuzlu məşqçilərindən biri olan Arsen Venger gənc futbolçuların yetişdirilməsi prosesini maraqlı bir bənzətmə ilə izah edib.
Offsideplus.az xəbər verir ki, təcrübəli mütəxəssis futbolçu inkişafını bir binanın tikintisi ilə müqayisə edərək, hər yaş dövrünün özünəməxsus önəmi olduğunu vurğulayıb.
Vengerin fikrincə, mükəmməl futbolçu "inşa etmək" üçün müəyyən mərhələləri düzgün keçmək şərtdir:
- 1. Bünövrə: Texniki bacarıqlar (7–14 yaş)
Venger hesab edir ki, futbolçunun təməli texnikadır. Bu dövr ən kritik mərhələdir:
Sərt xəbərdarlıq: "Əgər bir oyunçunun 14 yaşında texnikası yoxdursa, o oyunçunu unudun. Ondan heç vaxt futbolçu olmayacaq."
- 2. Birinci mərtəbə: Fiziki hazırlıq (14–17 yaş)
Texniki təməl möhkəm olduqdan sonra fiziki göstəricilərin üzərində işləmək lazımdır:
Bu yaş aralığında oyunçunun nə qədər güclü və sürətli ola biləcəyi kəşf edilir.
- 3. İkinci mərtəbə: Taktiki zəka
Fiziki güclə yanaşı, oyunçunun zəkası sınağa çəkilir:
Oyunçu meydanı oxuya bilirmi? Oyunu anlama qabiliyyəti hansı səviyyədədir?
- 4. Son mərtəbə: Qərar anı (18–19 yaş)
Binanın son qatı futbolçunun gələcək taleyini müəyyən edir:
Oyunçunun peşəkar karyerasında nə qədər uğurlu olacağına məhz bu yaş dövründə qərar verilir.
"Bir oyunçunu ev inşa edər kimi inşa edərsiniz," – deyən əfsanəvi məşqçi, xüsusilə uşaq yaşlarında texniki təhsilin əvəzolunmaz olduğunu bir daha xatırladıb.
