"Mançester Yunayted"in futbolçusu Pol Poqbanın İtaliya "Yuventus"una transferi reallaşmayacaq.

Offsideplus.az "Corriere dello Sport" nəşrinə istinadən xəbər verir ki, Turin təmsilçisi sabiq yarımmüdafiəçisini heyətinə qatmaqdan imtina edib.
Klub rəhbərliyi koronavirus pandemiyasının səbəb olduğu maliyyə böhranına görə fikrini dəyişib.

"Qoca sinyora" heyəti gücləndirmək üçün başqa variantları nəzərdən keçirir.

Qeyd edək ki, 2012/2016 mövsümlərində "Yuventus"da çıxış edən Pol Poqbanın "Mançester Yunayted"lə gələn ilin iyununadək müqaviləsi var.