Bu gün Misli Premyer Liqasının 28-ci turunda “Zirə” "Şamaxı"nı qəbul edib.

Offsideplus.az xəbər verir ki, "Şamaxı”nın  məşqçisi Elnur Çodarov oyundan sonra mətbuat konfransında iştirak edib. 

O, rəqibin çempionatın ən sərt komandalarından biri olduğunu vurğulayıb:

"“Zirə” güclü və təşkilatlanmış komandadır. Mübarizə apardıq, amma ciddi itkilərlə meydana çıxdıq. Son anda Maykl Tike zədələndi, Veremeyev erkən əvəzləndi, Mikels isə tam formada deyildi. İlk hissədə yaxşı oynadıq, lakin ikinci yarıda buraxılan sadə səhvlər nəticəyə təsir etdi. Üçüncü qolu isə hücuma atıldığımız anda buraxdıq. “Zirə”ni qələbə münasibətilə təbrik edirəm.”