“Qarabağ” Riçard Almeyda ilə yollarını ayırıb.

Offsideplus.az xəbər verir ki, 35 yaşlı yarımmüdafiəçi ilə qarşılıqlı razılaşma əsasında müqaviləyə xitam verilib.

2012-18, 2019 və 2021-25-ci illərdə "köhlən atlar"ın formasını geyinən Riçard 376 oyunda 64 qol vurub. Almeyda Premyer Liqada 254 (51 qol), kubokda 31 (5 qol), avrokuboklarda 91 (8 qol) oyunda Ağdam klubunun heyətində meydana çıxıb. O, 9 dəfə Azərbaycan çempionu, 5 dəfə Azərbaycan kubokunun qalibi adını qazanıb.

Qeyd edək ki, Braziliya əsilli oyunçu 2017-23-cü illərdə Azərbaycan yığmasında da çıxış edib. Futbolçu milli komandamızda 31 oyunda 3 qol vurub.