Misli Premyer Liqasının 20 turunda "Şamaxı" "Zirə"yə məğlub oldu - 1:2.

Offsideplus.az xəbər verir ki, qarşılaşmadan sonra qonaqların çalışdırıcısı Rəşad Sadıqov mətbuat konfransında iştirak etdi. 

Mütəxəssis qələbə haqda bunları söylədi:

"Çətin səfər matçı alındı. Son 4-5 turda "Şamaxı" yüksək performans sərgiləyirdi. Oyundan öncə futbolçularımla danışanda matçın çətin keçəcəyini demişdim. Rəqib qol vurandan sonra irəli atıldıq. İlk hissəsinin sonunda standartdan qol vurduq. Fasilədən sonra irəli atıldıq. Topa sahib olaraq fərqlənməyə çalışırdıq. Qol vura bildik. Tapşırıqları dəqiq yerinə yetirdik. Daha dəqiq biz oynasaq da, "Şamaxı" da yaxşı mübarizə apardı".