Bu gün Misli Premyer Liqasında 19-cu turun son oyunları keçiriləcək.

Offsideplus.az xəbər verir ki, bu gün daha 2 qarşılaşma baş tutacaq.

İlk görüş Tovuzda olacaq. Qərb derbisində "Kəpəz" "Turan Tovuz"u qəbul edəcək. Görüş 16:00-da başlayacaq.

Günün ikinci matçı "Neftçi Arena" keçiriləcək. Turun maraqla gözlənilən "Neftçi"-"Sabah" görüşü 18:30-da start götürəcək.

Qeyd edək ki, dünən "Zirə" dünən evdə "Araz-Naxçıvan"a 1:0 hesabı ilə, "Səbail" səfərdə "Sumqayıt"a 0:2 hesabı ilə qalib gəlmişdi. Açılış görüşündə isə "Qarabağ" "Şamaxı"nı 3:2 hesabı ilə məğlub edib.

16:00. “Kəpəz” – “Turan Tovuz”

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.

VAR: Rauf Cabbarov.

AVAR: Rəhman İmami.

Tovuz şəhər stadionu

18:30. “Neftçi” – “Sabah”

Hakimlər: Kamal Umudlu, Vüsal Məmmədov, Müslüm Əliyev, Əkbər Əhmədov.

VAR: Tural Qurbanov.

AVAR: Zöhrab Abbasov.

"Neftçi Arena".