Misli Premyer Liqasının 19-cu turunda "Səbail" səfərdə "Sumqayıt"a qalib gəldi - 0:2.

Offsideplus.az xəbər verir ki, oyundan sonra "Sumqayıt"ın çalışdırıcısı Vaqif Cavadov mətbuat konfransında iştirak etdi.

Cavadov matç haqqında bunları söylədi: "Şanslarımızdan yararlana bilmədik. Rəqib isə əksini etdi və 2 qol vurmağı bacardı. Yenə də oyun üçün futbolçularıma təşəkkür edirəm."

Cavadova "Rövlan Muradovun startda olmamasının səbəbi adının transferlərlə hallanmasıdır?" sualı ünvanlanıb.

Cavadovun cavabı belə olub: "Xeyr. Belə bir şey yoxdur. Sadəcə Sərtan son zamanlar məşqdə daha yaxşı idi deyə o oynadı."