Misli Premyer Liqasının 19-cu turunda "Zirə" "Araz-Naxçıvan"a qalib gəldi - 1:0.

Offsideplus.az xəbər verir ki, oyundan sonra qonaqların çalışdırıcısı Elmar Baxşıyev mətbuat konfransında iştirak etdi.

Mütəxəssis məğlubiyyət haqda bunları söylədi:

"Ağır oyun keçdi. Hər iki komanda mübarizə apardı. Məğlub olsaq da, kədərlənməyə gərək yoxdur. Bu oyunu uduzsaq da, növbəti matçlara köklənəcəyik". 

Elmar Baxşıyev Qara Qarayevin ikinci hissədə meydan çıxarılması haqda da danışdı/

"Qaranı oyundan emosiyalarını daha da biruzə verməsin deyə çıxartdıq. Hər iki komandanın oyunçular sərt mübarizə aparırdı. Qara bizimlədir. Heç yerə getməyib. Hər şey qaydasındadır. Barışıq olub? Sakitlikdir".