"Qarabağ"ın futbolçusu Juninyonun "Flamenqo" klubuna transferi yekunlaşmaq üzrədir. 

Offsideplus.az Braziliya mətbuatına istinadən xəbər verir ki, Ağdam təmsilçisi Braziliya klubunun 5 milyon avroluq təklifini qəbul edib və klublar arasında son detallar müzakirə olunur. 28 yaşlı oyunçu ilə müqavilənin müddəti 3 illik olacaq. 

"Flamenqo" klubu 2025-ci il mövsümü başlamadan hücumçunu heyətinə cəlb etmək istəyir. Komanda ABŞ-yə məşq toplanışına yollanacaq. Juninyo "qırmızı-qaralar"da Qabiqolu əvəzləyəcək. 

Qeyd edək ki, Juninyo cari mövsüm "köhlən atlar"ın heyətində 25 oyuna çıxıb, 11 qol və 2 assistə imza atıb.