“Turan Tovuz” heyətini yeni futbolçu ilə gücləndirib. 

Offsideplus.az klubun rəsmi saytına istinadən xəbər verir ki, Rəhim Sadıxov "Sumqayıt"dan ayrılaraq, Tovuz təmsilçisinə keçid edib. 

28 yaşlı yarımmüdafiəçi ilə 2026-2027-ci illər mövsümünün sonunadək müqavilə bağlanılıb. Son olaraq “Sumqayıt”da forma geyinən futbolçu, ölkəmizdə “Zirə”, Rusiyada “Solyaris”, “Spartak-2” və “Torpedo” klublarının şərəfini qoruyub.

Rəhim Sadıxov əsas milli komandamızın heyətində 9 oyunda meydana çıxıb.