Misli Premyer Liqasının II turunda "Qarabağ" "Kəpəz"ə qalib gəldi - 3:0.

Offsideplus.az xəbər verir ki, görüşdən sonra mətbuat konfransında Qurban Qurbanov iştak etdi. 

Mütəxəssis qələbə haqda bunları söylədi:

"Çox yaxşı oyunla yaxşı qələbə oldu. Yaxşı, dinamik, sürətli oynadıq. Çox razı qaldım. Rəqib haqda məlumatımız az idi, yeni komanda qurublar. Bəzi oyunlarına baxmışdıq. Yaxşı müdafiə olunmağı sona kimi bacaran kollektiv gördük. Hücumlarda da maksimum iştirak etmək istəyirdilər. "Kəpəz"ə uğurlar arzulayıram. İnanıram ki, get-gedə Adil Şükürov komandanı formalaşdıracaq. Hiss edilirdi ki, tam hazır deyillər. Amma oyundan-oyuna keçənilki "Kəpəz"i görəcəyik".