Misli Premyer Liqasının I turunda "Sabah" "Şamaxı" ilə qarşılaşdı.

Offsideplus.az xəbər verir ki, oyun 2:2 hesabı ilə başa çatdı.

Qarşılaşmada "Offside"a düşən maraqlı məqamları diqqətinizə çatdırırıq:

* Oyunu izləyənlər arasında millimizin baş məşqçisi Fernandu Santuş da var idi. 

* Hava çox isti olduğundan İnqilab Məmmədov həm ilk, həm də ikinci hissədə su fasiləsi verdi.

* İlk hissədə Ayxan Abbasov tez-tez Conatan Bentekenin adını çəkirdi. Mütəxəssis hücumçudan fəal olmağı tələb edirdi.

* Beladji Pussi qolu vurduqdan sonra qaçaraq əvvəlcə Ayxan Abbasovu, daha sonra Kamal Bayramovu qucaqladı.

* Oyun bitən kimi "Sabah"ın məşqçisi Rəşad Eyubov Rauf Rüstəmlini qucaqlayaraq təbrik etdi.

* Tellur Mütəllimov qarşılaşma bitəndən sonra "Şamaxı"nın oyunçuları ilə tək-tək görüşərək onlara təşəkkür etdi.