Belçika Futbol Federasiyası, milli komandaya yeni baş məşqçi təyin etdiyini açıqlayıb.

Offsideplus.az xəbər verir ki, Fransalı məşqçi Rudi Qarsiya ilə müqavilə imzalanıb, ancaq müqavilənin müddəti barədə hələlik rəsmi məlumat verilməyib. Qarsiya, millidən bir neçə gün əvvəl ayrılan Domeniko Tedeskonun yerini tutub.

Rudi Qarsiya, karyerasında bir çox komandada çalışıb. O, "Sent Etyen", "Lill", "Olimpik Lyon", "Roma" və "Əl-Nəsr" kimi məşhur klublarda baş məşqçi olaraq fəaliyyət göstərib. Son olaraq isə, İtaliyanın "Napoli" klubunu idarə edirdi.