"Roma" futbol klubu, heyətinə yeni bir futbolçu qatıb.

Offsideplus.az klubun mətbuat xidmətinə istinadən xəbər verir ki, paytaxt təmsilçisi "Ayaks"dan 22 yaşlı sağ cinah müdafiəçisi Devine Renşini transfer edib.

Niderlandlı futbolçu, "Roma"da 2 nömrəli formanı geyinəcək. Bu keçid üçün "Roma" klubu "Ayaks"a 5 milyon avro ödəyib.

Qeyd edək ki, Devine Renş 2016-cı ildən "Ayaks"ın heyətində çıxış edirdi. Bu müddət ərzində o, 156 rəsmi matçda iştirak edib, 10 qol vurub və 12 məhsuldar ötürmə verib.