"Real"ın sabiq ulduz futbolçusu Ronaldo Nazario keçirdiyi şənliklər barədə açıqlamalar edib.

Offsideplus.az xəbər verir ki, Ronaldo "Real Madrid"də çıxış etdiyi dönəm keçirdiyi ziyafət məclislərinin təfərrüatlarını bölüşüb. Klubun prezidenti Florentino Perez şənliklərin qarşısını almaq üçün təhlükəsizlik işçiləri tutsa da, braziliyalı sabiq futbolçu onların da məclislərdə iştirak etdiyini deyib.

"Şənliklərimlə bağlı çox sayda əfsanələr yaranıb. Həqiqət budur ki, həmişə bədənimi qorumaq, yalnız qalib gəldiyimizdə ziyafət vermək istəmişəm. Problem o idi ki, həmişə qalib gəlirdik". 

Ronaldo sevgilisinin şənliklərə necə münasibət bəslədiyi barədə də açıqlamalar verib:

"Sevgilim indi şənliklərdən uzaq qaldığım üçün məmnundur, lakin onlar üçün çox darıxıram!"