“Liverpul”un futbolçusu “Barselona”nın növbəti transfer hədəfi olub.

Offsideplus.az xəbər verir ki, Niko Uilyamsın transferində uğursuz olan La Liqa nəhəngi indi Diasla maraqlanır.

Kolumbiyalı futbolçunun dəyəri 75 milyon avro olsa da, “Barselona” bəzi oyunçuları daxil edərək bu məbləği 60 milyon avroya endirmək niyyətindədir. 27 yaşlı vingerin Kataloniya təmsilçisinə keçidi real görünür.

Dias 2022-ci ilin yanvarından “Liverpul”da çıxış edir və bu müddətdə 98 oyunda 24 qol vurub, 13 asist edib.