Bu yaxınlarda azad agent statusu alan müdafiəçi Serxio Ramosun karyerasını davam etdirmək üçün bir neçə variantı var.

Offsideplus.az xəbər verir ki, futbolçu ilə Türkiyə, Amerika və Səudiyyə klubları maraqlanır.

Ramosun xidmətində "Qalatasaray"ın maraqlı olduğu bildirilir. Amma maliyyə baxımından ən sərfəli təklif Səudiyyə Ərəbistanından gəlib. Əl-Nasr ispaniyalıya müqavilə təklif edib. Ər-Riyad klubunun yeni idman direktoru Fernando Hierro və Ramosun keçmiş komanda yoldaşı Kriştiano Ronaldo futbolçunu dəvət etməkdə maraqlıdırlar. Lakin 38 yaşlı müdafiəçinin ailəsi ABŞ-a köçməyə meyllidir. Ramos bir neçə MLS klubundan təklif alıb.