La Liqa prezidenti Xavier Tebas X hesabında "Real Madrid"i Bernabéu stadionunda rəsmi ABŞ futbolu (NFL) oyununu keçirməsi səbəbilə sərt tənqid edib.

Offsideplus.az xəbər verir ki, Tebas qeyd edib: "Real Madrid" La Liqa matçının xaricdə oynanmasına qarşı çıxmışdı, bu addımı “yarışmanı pozmaq” adlandırmışdılar. Amma indi yalnız maliyyə qazancı üçün. eyni stadionda NFL oyununa ev sahibliyi edirlər."

O, NFL oyununun ətrafında aparılan geniş təşviqatı da tənqid edib: "jurnalların ön səhifələri, qırmızı xalçalar, xüsusi mediada işıqlandırma və bunu İspaniyada NFL üçün böyük tanıtım kimi təqdim ediblər."

Tebas ironiya edib: "Stadion həmin klubun mülkiyyətindədir, hansı ki əvvəlcə La Liqanın rəsmi matçının Mayamidə keçirilməsinə qarşı kampaniya aparmışdı. O zaman oyunçular və klub nümayəndələri “yarışmanı pozmaq” arqumenti ilə çıxış edirdilər, müxtəlif qurumlara məktublar göndərirdilər. Eyni zamanda Avropa İdman Komissarı və oyunçuların ittifaqı bu oyunu “ənənə və şəffaflıq” prinsiplərinə uyğun müdafiə edirdilər.

Tebas, həmçinin, vurğulayıb: "İndi "Real Madrid" stadionunu qazanca görə icarəyə verməyə şad görünür, halbuki əvvəllər xaricdə matçlara etika adı altında etiraz etmişdilər."