16 yaşadək voleybolçu oğlanlardan ibarət Azərbaycan millisi Şərqi Avropa Voleybol Zonal Assosiasiyası (EEVZA) çempionatında iştirak etmək üçün Estoniyaya yollanıb.

Offsideplus.az xəbər verir ki, yarışda mübarizə aparacaq komandanın məşqçilər korpusunda dəyişiklik baş verib.

Səhhətində yaranan problemə görə, gənc oğlanlardan ibarət yığmanın baş məşqçisi Cahangir Seyed Abbasi turnirdə iştirak edə bilməyəcək. Onu Cengiz Akarçeşmə əvəzləyəcək. C.Akarçeşmənin köməkçiləri isə Tural Teymurov və Elşən Heybətov olacaq.

Xatırladaq ki, noyabrın 27-30-u aralığında baş tutacaq yarışda komandamız B qrupunda Estoniya və Latviya yığmaları ilə qarşılaşacaq