İtaliyanın Milan şəhərində yerləşən möhtəşəm "San-Siro" stadionunda XXV Qış Olimpiya Oyunlarının rəsmi açılış mərasimi baş tutub.

Offsideplus.az xəbər verir ki, tədbir böyük təntənə ilə təşkil olunub. Bu mötəbər turnirdə Azərbaycan nümayəndə heyətinin bayraqdarları qismində fiqurlu konkisürən Vladimir Litvintsev və dağ xizəkçisi Anastasiya Papatoma çıxış ediblər.

Qeyd etmək lazımdır ki, Olimpiada çərçivəsində ilk yarışlar əslində fevralın 4-də körlinq üzrə qarışıq cütlüklərin turniri ilə başlayıb, fevralın 5-də isə qadın hokkey komandaları mübarizəyə qoşulublar.

İtaliyanın ev sahibliyi etdiyi bu möhtəşəm idman bayramında 16 fərqli növ üzrə ümumilikdə 116 medal dəsti öz sahibini tapacaq.

Bu il proqramda maraqlı bir yenilik də var; belə ki, xizək alpinizmi həm sprint, həm də komanda yarışlarını əhatə edən yeni bir növ kimi Olimpiya ailəsinə daxil edilib.

Azərbaycan təmsilçilərinin yarış təqviminə gəlincə, Vladimir Litvintsev fevralın 10-da Milanda fiqurlu konkisürmənin qısa proqramında buz üzərinə çıxacaq. Anastasiya Papatoma isə ayın 15-də nəhəng slalom, üç gün sonra isə slalom növündə öz bacarığını nümayiş etdirəcək. Bu yarışların ünvanı İtaliyanın məşhur dağ-xizək kurortu olan Kortina-d'Ampetso olacaq.

Ümumi yarışlara fevralın 22-də rəsmən yekun vurulacaq.