Futbol üzrə I Liqanın autsayderi "Qaradağ Lökbatan" XXII tur çərçivəsində vacib qələbə qazanıb. 

Offsideplus.az xəbər verir ki, Amit Quluzadənin rəhbərlik etdiyi kollektiv səfərdə "Baku Sporting"ə minimal hesabla qalib gəlib.

Bu, 5-ci pillədə qərarlaşan "Baku Sporting"in ardıcıl 3-cü məğlubiyyəti olub.

Çempionatın aşağı sıralarında yer alan "Difai" və "Cəbrayıl" da turu uğurla başa vurub. 

"Qaradağ Lökbatan"ın qələbəsindən sonra I Liqada qalmaq uğrunda intriqa qayıdıb. Hazırda Lökbatan təmsilçisinin 19, 7-9-cu yerləri tutan "Difai", "Cəbrayıl" və "Mingəçevir"in isə 22 xalı var

Əsasnaməyə görə, çempionatın sonunda 10-cu pilləni tutan komanda II Liqaya yuvarlanacaq.

I Liqa, XXII tur

"Cəbrayıl" - "Mingəçevir" 2:0

"Baku Sporting" - "Qaradağ Lökbatan" 0:1

"Difai" - "Zaqatala" 1:0