20 yaşadək yunan-Roma güləşçilərindən ibarət Azərbaycan milli komandasının iyunun 1-də növbəti təlim-məşq toplanışı başlanacaq.

Offsideplus.az Azərbaycan Güləş Federasiyasının mətbuat xidmətinə istinadən xəbər verir ki, yığmamız bu məqsədlə Qazaxıstanın Çimkənd şəhərinə yollanır.

Həmvətənlərimiz Çimkənddə yerləşən Alma-Tau təlim-məşq bazasında yerli komanda ilə birgə iki həftə ərzində hazırlıq prosesi keçəcəklər.

Avropa çempionatına hazırlıq xarakteri daşıyan toplanışda böyük məşqçi Nurəddin Rəcəbov, məşqçilər Turac Həsənli və Zöhrab Abbasovun rəhbərliyi altında Turan Daşdəmirov (55 kq), Ayxan Cavadov, Vədat Qasımlı (hər ikisi 60 kq), Tural Əhmədov (63 kq), Fəraim Mustafayev, Roman Kərimov (hər ikisi 67 kq), Kamran Rəcəbli, Seymur Qasımov (hər ikisi 72 kq), Davud Məmmədov, Cavad Məmmədov (hər ikisi 77 kq), Elmin Əliyev, Cavidan Nəhmətov (hər ikisi 82 kq), Orxan Hacıyev (87 kq), İsmayıl Rzayev (97 kq) və Məzaim Mərdanov (130kq) iştirak edəcəklər.